الموضوع: اعتمد على نفسك واشتر اونلاين .. شرح طريقة شراء جوالات

السلام عليكم

قبل اسبوع اشتريت من موقع handtec.co.uk 6 جوالات HTC Desire .. قميتها اكثر من 11000 ريال .. والحمدلله التجربة كانت ناجحة وهذي مهيب اول مرة اشري منهم.. قد شريت من عندهم قبل بمبلغ اكبر من كذا .. ومافيه اي داعي للتخوف من هالموقع او من اي موقع آخر .. طالما انه يستخدم الباي بال !! او فيه احد قبلك قد جربه بنجاح

فبما اني استفدت كثير من هالمنتدى والاعضاء المميزين اللي فيه .. حبيت اني ارد الجميل واشرح طريقة شراء الجوالات من المواقع المعروفة .. الشرح بيكون بالصور خطوه خطوة من البداية للنهاية .. بطريقة سهله ان شاء الله.. واي استفسار انا جاهز



اولا : مقارنة بين المواقع البريطانية اللي تبيع جوالات
عندك تقريبا 3 مواقع هي الأفضل في الشراء .. لأنها جميعا تشحن مباشرة إلى السعودية او بالأصح إلى باب بيتك
المواقع الثلاثة هي
http://www.expansys.com
http://www.clove.co.uk
http://www.handtec.co.uk

اتوقع هي الأفضل بالوقت الحالي ولكل وحده منهم سلبيات وإيجابيات .. وعشان ترتاح من السؤال المحير : "ايهم ازين؟" .. راح اجاوبك بمقارنة بسيطة تحدد لك الافضل ..
خل ناخذها كمثال و نقارن تكلفة شراء جهاز htc Desire من هالمواقع الثلاث

This image has been resized. Click this bar to view the full image. The original image is sized 700x557.

بالنسبة لوصول الشحنة .. كلهم محددين من يومين إلى 5 ايام .. مابعد جربتهم كلهم صراحه

واذا فيه نصيحة فانا بانصح من تجربتي ومن تجارب الاعضاء .. DHL انحششش عنها تبي تخليك تعيش على اعصابك ماتدري هل بياخذون رسوم جمارك والا لأ وكم بتكون الرسوم !! .. طبعا غير التأخير وغير المرمطة اللي بتصير !! بدال مايقعد الجهاز يومين بتقعد اسبوع تحتريه يوصلك ولاحد يعطيك علم

فالافضل من وجهة نظري بين هالموقع هو موقع handtec .. انصح الجميع بالشراء عن طريقه مع العلم اني ما اخذ اي عمولة ولانيب اسوي دعاية له مجرد ناصح لكم

وبما إني شريت من هالموقع باشرح الطريقة بشكل مختصر .. باقي المواقع تتشابه العملية تقريبا ماهنا بعد عن هالموقع

ثانيا : وش المطلوب اوفره عشان اطلب؟
اضغط هنا عشان تعرف شلون تفتح حساب باي بال للكاتب المبدع AHMAD NCIS 1- بطاقة فيزا او حساب في الباي بال
2- تعرف تكتب اسمك وعنوانك بالانقليزي

فقط هذي هي الاشياء المطلوبة .. مافيه اي تعقيد الامور اسهل من ما تتصور


ثالثا : شلون اشتري ؟

هذي خطوات الشراء بالتفصيل

2- بعد ماتنتهي اضغط على الخيار اللي على اليمين checkout
1-اختر وش تبي من الاجهزة على كيفك .. بإضافتها إلى قائمة المشتريات add to cart
صورة توضيحية

This image has been resized. Click this bar to view the full image. The original image is sized 822x829.

اخترت الجهاز اللي تبي .. والكمية اللي تبي?? اضغط على Checkout وبتجيك هالصفحة ..
بكل بساطة عب بياناتك بهالصفحة

This image has been resized. Click this bar to view the full image. The original image is sized 800x1004.

حط ايميلك .. واسمك وبياناتك وعنوانك
طبعا .. لاتكتب عنوانك بأمانه .. اهم شي رقم جوالك وهم بيدقون عليك بكل الأحوال
حط الدولة والمدينة والباقي لو تعبيها اي كلام ماعندك مشكلة .. لأن بكل الأحوال بيتصلون عليك شركة الشحن يسألونك عن الوصف حتى لو كاتب كل شي بالتفاصيل بيدقون عليك

انتهيت من بياناتك وبيانات العنوان ؟؟ .. حط صح على كلمة I Agree بعدين اضغط على Submet to order

راح تنتقل بعدها لهالصفحة

This image has been resized. Click this bar to view the full image. The original image is sized 1024x564.

هنا يخيرك وشلون تبي تدفع .. يدلعونك عشان ياخذون قروشك

من بين كل هالخيارات ماينفع معنا بالسعودية إلا ثلاثة .. وهي الباي بال وبطاقة ماستركارد وبطاقة فيزا ..

ممكن انك تضغط على اي خيار يناسبك .. لكني دائما أفضّل خيار الباي بال .. لأنه اكثر أمان وحقك محفوظ .. و ان كانكم عجازين مثلي فيريحك مهوب كل مرة تدخل رقم البطاقة اللي وش طوله

فلما نضغط على خيار الباي بال راح تجيك هالصفحة

This image has been resized. Click this bar to view the full image. The original image is sized 1024x570.

مايحتاح شرح اظن حط يوزرك وباسووردك حق الباي بال .. وبعدها بتجيك هالصفحة


حتى الآن يمكنك تتراجع عن العملية .. هنا يعطيك سعر الصرف للريال السعودي + عنوانك اللي بالباي بال (يعني غير اللي دخلته تو في موقع هاندتيك)
هالعنوان فقط شكل لايهمك .. بيعتمد العنوان اللي حطيته في الموقع نفسه

تضغط كلمة continue راح تجيك هالصفحة

This image has been resized. Click this bar to view the full image. The original image is sized 1024x536.

هنا يعطيك تفاصيل البطاقة وعنوان الفاتورة (اللي سبق ان حطيته يوم تسجل بالباي بال).. حتى الآن ممكن تضغط كلمة Back ولا كأن شي صار ..
اذا ضغط على كلمة Process معد يمديك ترجع.. شافط فلوسك شافطها

تعتبر هذي هي الخطوة الاخيرة ..راح يسحب منك الفلوس الآن ويرجعك لموقع هانديتك وتطلع لك هالصفحة اللي زي ماتقول فاتورتك وفيها رقم الطلب حقك (مغيم عليه لدواعي امنية )


وبهذه البساطة انتهت عملية الشراء !!

راح يجيك ايميلين واحد من الباي بال وواحد من الهاندتك ..



رابعا : الشحن
الآن شريت وشفطوا قروشك .. متى بيجي حبيب القلب الجوال ؟
موقع الهاندتك موضحين انهم يبدون يتعاملون مع الطلبات ويبدون الشحن الساعة 4 العصر بتوقيتهم .. يعني بتوقيتنا بالسعودية 6 إلى 7 المغرب .. اذا طلبت اي طلب بعد هالوقت راح يتأجل لبكره

مثلا .. واحد طلب يوم الاثنين الساعة 9 الليل .. وواحد جا بعده وطلب يوم الثلاثاء الساعة 6 الصباح ..وواحد طلب الساعة 3 العصر يوم الثلاثاء ..
كلهم راح يشحنون بوقت واحد وهو الثلاثاء 6 المغرب او 4 بتوقيت بريطانيا

لو كان فيه اجهزة غير متوفرة راح يتأخر شحن اجهزتك طبعا إلين يجيهم جهاز .. فلازم تتأكد ان الجهاز in stock في صفحة الجهاز (اول صورة حطيتها للشراء)

اذا جميع الأمور تمام .. فتقريبا بنفس اليوم بالليل او بالكثير من بكرا راح يجيك ايميل من شركة UPS ان فيه شحنة جاية لك ويعطونك رقم التتبع او Tracking number .. تضغط على الرابط وتقدر تتابع شحنتك زي كذا


اللي بيدقق بيشوف ان الشحن قعد 4 ايام .. لكن بالعادة يكون اسرع من كذا .. المرة اللي راحت طلبته الثلاثاء وجاني الخميس ..

قبل مايوصل الرياض .. اتصل على مركز الدعم حقهم (012442007) تحويلة (400) .. وحدّث رقم جوالك .. لأن مادري ليه دايما ينسون آخر رقم في الجوال !! فمايقدرون يتصلون بك عشان التوصيل.. حدثه وانتظر اتصالهم وبتوصلك عند باب بيتك بإذن الله