الموضوع: تعلم الشراء من ebay من الصفر وحتى الاحتراف

السلام عليكم

كيف الحال ياشباب

بما ان كثير من الشباب صار يشتري من برا .... وخصوصا موقع Ebay

حبيت اكتب لكم نصائح من ذهب .... ان شاء الله اذا طبقتوها راح تتجنبون الكثير من المشاكل


اولا: اعرف انت قاعد تشتري وتتعامل مع مين:


مثال:





1- صوره او شعار باور سيللر power seller

اذا شفت الصوره هذي اعرف ان 90% من الخطر راح

لان اي بياع باور سيلر مستحيل يفرط باي نقاط فييدباك لسببين:

أ- شروط التقدم بطلب شعار باور سيلر صعبه ومن اهمها ان نقاطك ماتنزل عن 98% في اي حال من الاحوال

ب- اذا صار البايع باور سيلر ياخذ مزايا حصريه رائعه من اي باي

مثال:

(ياخذ تخفيض من Ebay شهري على مبيعاته - دعم فني شامل - تخفيض على اجور الشحن .... الخ)

يعني ان شاء الله بيحاول قدر المستطاع يحافظ على سمعته




2- انتبه للنقاط



انتبه دائما لنقاط البايع .... لانها تمثل عدد عمليات البيع والشراء اللي قام بها

تقدرتدخل على النقاط وتشيك وتقرأ افاده اللي اشتروا منه بالتفصيل



This image has been resized. Click this bar to view the full image. The original image is sized 1004x675 and weights 65KB.
This image has been resized. Click this bar to view the full image. The original image is sized 1004x675.

الاسهم الحمراء: تمثل النقاط اللي اخذها خلال (شهر - 6 شهور - سنه) ....

وهل كانت عمليه البيع او الشراء (ايجابه - عاديه - سلبيه)


الاسهم الزرقاء:

تمثل الافادات سواء كبائع او كمشتري او الثنتين معا والافادات اللي تركها للغير

طبعا تقدر تدخل وتشيك عليها وحده وحده




3- انتبه للنسبه المؤيه للافادات:

حاول قدر الامكان انك ماتاخذ من واحد نسبته اقل من 98%

طبعا لازم تاخذ في الاعتبار ان النسبه المؤيه ماتكفي .... لازم تجمع مابين نقاطه الكليه وتاريخ التسجيل

لانه لو بتناظر النسبه المؤيه بس بتروح فيها .... يجيك واحد توه مسجل ونقاطه 1 ونسبته 100%



4- تاريخ التسجيل في Ebay وموقع (مكان سكن) البائع:

لازم تنتبه لتاريخ التسجيل لانه مهم جدا

مثلا: دائما افضل بياع يكون مسجل من عام 2003 على بياع مسجل 2009

لانه اقدم ويكون مخضرم وعارف النظام

وبالنسبه للمكان لازم تنتبه .... لان بعض المرات تشتري من واحد وماتدري الا مثلا طالع استرالي او من مكان بعيد ويصقعك بسعر شحن يحبه قلبك



--------------------------------------------------------------

ثانيا: قبل لاتشتري دور زين اكثر من مره:

هذي شخصيا صارت لي اكثر من مره .... مثلا لقيت مره عرض للعبه نادره وكان سعرها (مستعمل) 8 دولار اخذتها على بالي ان سعرها مناسب

بعد يوم لقيت واحد يبيعها بقراطيسها جديده ب 3 دولار

فعلشان كذا حاول قدر الامكان انك تدور على عروض ثانيه وتقارن بينها وتختار الافضل والارخص


---------------------------------------------------------------------


ثالثا: اذا جيت تبحث استخدم طريقه البحث المطوره (البحث المتقدم)

معروف ان البحث في Ebay متعب جدا لانك مهما بحثت ماراح يطلع لك كل النتايج

مثلا انا اكثر من مره ابحث عن شي معين كل مره اغير عبارات في البحث تطلع لي نتايج جديده

فافضل طريقه انك تختار البحث المتقدم


This image has been resized. Click this bar to view the full image. The original image is sized 941x87 and weights 16KB.
This image has been resized. Click this bar to view the full image. The original image is sized 941x87.

هذي افضل طريقه بحث ممكنه في Ebay وتعطيك نتايج اشمل


بعد ماتختار البحث المتقدم


This image has been resized. Click this bar to view the full image. The original image is sized 715x610 and weights 37KB.
This image has been resized. Click this bar to view the full image. The original image is sized 715x610.



--------------------------------------------------------------------------------

رابعا: تأكد من وقت الدفع للبائع (مهم جدا جدا)

هذي مهمه جدا لانها ممكن تسبب لك مشاكل

في الغالب معظم البياعين يطالبون بالدفع في مده من 3 الى 7 ايام

بعضهم خلال 24 ساعه (موسوس لول)

بعضهم الدفع يكون علطول حالا (مريض لول)

علشان كذا لازم تتأكد قبل ماتشتري وتتوهق

انا ياما توهقت بسبه البنك الاهلي الرخيص

بعض البياعين يكتب متى تدفع له في الوصف حق المنتج

وبعض البياعين يكتب وقت الدفع تحت في اخر الصفحه

بشكل غير واضح



This image has been resized. Click this bar to view the full image. The original image is sized 887x273 and weights 30KB.
This image has been resized. Click this bar to view the full image. The original image is sized 887x273.

زي هذا البياع يتوقع الدفع خلال يومين



-------------------------------------------------------------------------------------------


خامسا: تاكد ان البياع مايطلب حساب PAYPAL امريكي + ان العنوان يكون مؤكد

بعض البياعين في اي باي يطلب ان يكون حساب المشتري في باي بال امريكي (علشان مايضطر يدفع رسوم للباي بال)


This image has been resized. Click this bar to view the full image. The original image is sized 804x253 and weights 14KB.
This image has been resized. Click this bar to view the full image. The original image is sized 804x253.

لان في الحاله هذي ماتقدر تدفع له .... وفي النهايه راح يسويلك مشكله ويعطيك افاده سلبيه





ولازم تتاكد كذلك ان البياع مايطلب عنوان PAYPAL مؤكد


This image has been resized. Click this bar to view the full image. The original image is sized 795x311 and weights 23KB.
This image has been resized. Click this bar to view the full image. The original image is sized 795x311.


في الغالب البياعين اذا شافوا نقاطك ممتازه راح يمشونها وبعضهم يدقر على حسب

لكن الافضل انك تاخذ من واحد مايمانع

طبعا لا احد يسأل كيف يكون العنوان مؤكد لانه هذا الشي من اسرار الكون لول




----------------------------------------------------------------------------------------

سادسا: خلك ذيب لول


هنا بحط بعض الحالات اللي ممكن تمر على اي واحد فينا

1- قدم عرض افضل



بعض البياعين يحط لك خيار انك تقدم له عرض اقل من السعر المعروض

في هذي الحاله تضغط على الخيار وتقدم عرض اقل

وهنا بيصير سي من 3 اشياء:

- انه يقبل عرضك

- انه يرفض عرضك

- انه يقم لك عرض عكسي .... مثلا: عرض الشراء في الصوره 58 انت قدمت 25 يرد عليك ب 35 وهكذا ....

طبعا دايما اذا شفت تقديم عرض ادخل

ملاحظه: اذا قدمت عرض للبائع 48 ساعه حتى يرد عليك والا تنتهي مده العرض ولازم تبدا من جديد

في حاله قدمت عرض والبايع مارد عليك .... يعني مازال العرض ساري ممكن اي واحد يدخل وياخذ العرض بقيمته الحاليه .... فانتبه


------------------------------------------------------------------------------

2- في حاله وجود خيار الشراء المباشر والمزايده



في هذي الحاله انت بالخيار اما انك تاخذ العرض وتخلص الموضوع
او انك تزايد وتدعي ربك ان ماحد يدخل معك

ملاحظه: اذا دخل اي واحد في العرض واختار انه يزايد مايشتريها
بيروح خيار انك تدفع مباشره


----------------------------------------------------------------------------


3- لاعمرك ابدا تختار خيار المشاهده او مراقبه المنتج .... انك تحط عينك على شي

Ebay عنده خدمه انك تراقب المنتج المعروض للبيع بحيث انه يسهل عليك انك تشوف الاشياء اللي ودك تشتريها بالقائمه الرئيسيه
لكن الخدمه هذي بقدر ماهي ميزه الا انها سلبيه

لان البياع يبان عنده انك انت حاط المنتج المعروض للبيع في قائمه المراقبه

انا شخصيا صارت لي .... مره كان فيه واحد عارض لعبه للبيع (مزاد) يبدا من 30 دولار حطيت انا اخترت خيار مراقبه اللعبه

يوم جا اليوم الاخير الا واتفاجا ان اللعبه ارتفع سعرها الى 50 دولار !!!!!

البايع يقدر في اي وقت انه يعدل على العرض طالما ان مافيه احد دخل فيه

فعلشان كذا افضل حل انك تحط رابط المنتج اللي تبيه في المفضله


--------------------------------------------------------------------------------------




اخيرا واهم شي: خلك قناص

كيف؟

مثلا انت تبي منتج معين .... خل نقول مثلا لعبه اوكي

لاتدخل فيها وباقي لها 4 ايام .... هذا اكبر غلط ودايما يسونه المبتدئين

ماتدري الا يوم خلص العرض والمنتج طاير منك .... او انه رفعوا عليك السعر

علشان كذا اذا بغيت اي منتج لاتزايد الا علي اخر دقيقه

لسببين:

1- انك ماتعطي فرصه للمزايد الحالي انه يضبط وضعه .... خلاص مابقى شي

2- ماترفع على نفسك السعر .... اذا حطيت قبل ساعه ممكن يجي اي واحد ويرفع عليك السعر حتى لو مااخذه

اخواني الاعزاء

طبعا بعد تغيير قوانين الايباي والذي اصبح يحمي المشتري اكثر من البائع بأن يحجز الباي بال المبلغ لمدة 21 يوم او حتى يعطي المشتري البائع تقييم ايجابي 5 نجوم ايهما اقرب

اصبح الشراء في الايباي أأمن من اي وقت مضى
بالسابق كان لازم تشتري من بائع موثوق الحين اشتري ان شاء الله من واحد ماعنده ولا نقطه
انت في امان
اهم شي لا تستخدم واصل امريكا لاني اعتقد ال 21 بيخلصو قبل لا يوصلك الطرد المرسل

وطبعا خلال هذي المدة البائع يشيك على الطرد واول ما يدخل صندوق اراميكس شوي ويطلعلك من الشاشه ويحب خشمك ويقول عطني تقييم ايجابي وانت طبعا صاف جده الى ان يوصل الطرد الى بيتكم

وهذي صورة لبائع ماكان عنده ولا تقييم وشريت منه وهذا اول تقييم كان مني

وهذي صورة لبائع يطلب مني ان اعطيه تقييم ايجابي حتى يستلم فلوسه طبعا هو متابع الشحنه واول ما دخلت صندوق اراميكس ارسلي هالرساله وانا صاف جده الى ان استلم البضاعه في جده

الرجاء عدم الرد حتى اكمل الموضوع واذا في احد رد ياريت يحذف رده حتى افبرك الموضوع بشكل ممتاز ومفهموم

تحياتي

الحين بعد ان تمت عملية البيع والشراء

مثلا انا مره شريت جوال من واحد وحسب الوصف حقه انه جديد ما استخدم ابدااااا ولا قد ركبت فيه شريحه

استلمت الطرد من اراميكس الا الجهاز مستخدم وليس جديد مثل ما قال اخينا

الحلول المطروحه

1 - انك ترفض استلامه في اراميكس وتطلب ارجاعه للبائع والعمليه هذي مكلفه تقريبا من 100 الى 300 ريال
2 - تحشر البائع بانه يخصملك من المبلغ او انك بتصك جده تقييم سلبي وترفع عليه قضيه في البايبال في هذي الحال تتفق انت والبائع على مبلغ معين يرجعه لك
طيب اذا حشرك البائع وقالك ارسلي الجوال وبرجعلك فلوسك
في هذي الحال تبدا انواع ***** مثلا انا كانت حجتي ان ارسلت الجهاز لاخوي في السعوديه ويوم شاف الجهاز انه مستخدم طلب مني refund من 30$ الى 50$
طبعا البائع هنا انصك على جبهته وقالي خلاص برجعلك 30$ بس
قلتله هاتها نعمه احسن ما اتكلف حق شحن وخرابيط

في مشكله يواجهها البعض لكن لايعرف خطورتها الا وهي

انك تزايد على سلعه وتربحها

لكن بعد التفكير وقبل الدفع ماعاد تبغى السلعه لاي سبب من الاسباب

الحل كالتالي

راسل البائع وقوله
if you please can you pass the item to the next high bidder cause my creditcard reach the limit and i'll leave you a positive feedback
thank you

طبعا هذي حجتي حتى لا انصك على جبهتي ب unpaid item strike
طبعا اذا انصكيت على جبهتك اكثر مره راح يجمد الايباي حسابك مثل ما صار مع احد الاخوان هنا

لذلك وجب التنويه



وهذا رد لأخي أبومعاذ لطريقة الشحن ::




وعليكم السلام ورحمة الله وبركاته

مسألة الشحن في eBay معقدة نوعاً ما

هي غالباً تحتاج مراسلة البائع للتأكد

هناك تقسيم للبائعين ومسألة الشحن

- 1 -

يشحن مباشرة للسعودية بدون شروط

أي أنه يشحن إلى أي عنوان وإلى أي اسم يريده المشتري

- 2 -

يشحن مباشرة للسعودية ولكن بشروط

يشترط الشحن إلى عنوان المشتري المسجل في حسابه لدى PayPal فقط

- 3 -

لا يشحن للسعودية ويقبل الشحن إلى دول أخرى

يقبل الشحن إلى أي عنوان في الدول المعتمدة لديه بغض النظر عن عنوانك المعتمد لدى PayPal

- 4 -

لا يشحن للسعودية ولا يقبل الشحن إلى الدول التي يعتمدها

لا يقبل الشحن إلى غير عنوان المشتري المعتمد في حسابه لدى PayPal

= * = * = * = * = * =

في حالة الشحن إلى السعودية

يوفر البائعين عدة أنواع من خيارات الشحن كالتالي:

- 1 -

بريد عادي

[ صندوق البريد أو واصل ] بدون رقم تتبع الشحنة

- 2 -

بريد مسجل

[ صندوق بريد أو واصل ] مع وجود رقم تتبع الشحنة

ويسمى Insurance

أحياناً يكون البريد المسجل اختياري بإضافة مبلغ

ويظهر تحت كلمة Insurance بهذا الشكل

US $1.30 Optional

و Optional تعني اختياري بحيث تضيف مبلغ 1.30 عند عملية الدفع لتسجيل الشحنة

وأحياناً يكون التسجيل داخل ضمن سعر الشحن وتعرف ذلك إذا رأيت كلمة Included

وإن كان البائع يشحن بالبريد العادي فقط فسوف تجد في خانة التسجيل كلمة None

والبريد المسجل هو الخيار الاقتصادي الأفضل

لضمان وصول الشحنة بإذن الله والمقدرة على تتبعها على موقع البريد السعودي

- 3 -

البريد السريع أو الممتاز

سواءً عن طريق البريد الأمريكي USPS

وهذا يصل بواسطة البريد السعودي [ اتصال على الهاتف وتوصيل للمشتري ]

أو عن طريق إحدى شركات الشحن العالمية التي توصل السلعة للمشتري


= * = * = * = * = * =


وفي حال الرغبة بالشحن إلى عنوان غير المسجل في حساب PayPal يجب مراسلة البائع للتأكد قبل الشراء

وبعض البائعين يوضح ذلك في شروط الشحن بحيث يوفر على المشتري عناء المراسلة وانتظار الجواب

مثل هذا التوضيح:

We only ship to PayPal verified addresses

في مثل حالتك أختي الكريمة تنطبق عليك الحالة رقم ( 4 ) من حالات البائعين

رد البائع بنعم أنه يمكن الشحن إلى عنوانك في أمريكا

ولكنه طلب منك التأكد بأنه مسجل ومعتمد في حسابك لدى PayPal

وللأسف PayPal لا يقبل إضافة عناوين خارجية للمستخدمين من السعودية

لذلك لا يمكن الشراء من هذا البائع

لأنك عند الدفع ومحاولة إضافة عنوانك الأمريكي سيرفض PayPal إضافة العنوان

وبالتالي عدم التمكن من إنهاء عملية الدفع والشراء